رحلت و..لا رحل ..صمت ٍ.. يضج أبداخلي بدموع
رحلت ..وما بقى نبـض ٍ عليـك اليـوم عزانـي
رحلت. وين أنا ما ارحل أشوفك بالنظـر مـزروع
وفاء حبك.. غلا طيفك ..وهمس ٍ ناعـم ٍ ..دانـي
رحلت ..بكل ها الدنيا رحيل ٍ ..ما سكنه ارجـوع
قريتك في وجيـه النـاس ..دفاتر..فيـك تقرانـي
رحلت ..ودنيتي بعدك هجير ..مع هلع.. مع جـوع
أنيـن / وآه / باسبابـك /أسـى قاسـي تغطانـي
ذبل جسم الفرح واجتاح سنبـل بسمتـي مصـروع
وفي آخـر حـدود الليـل ..كلـن يشبـه الثانـي
يناديني غلا طيفك ..وأنـادي لـه وفـاء مجمـوع
يعزينـي.. يواسينـي .. ويلملـم هـم ٍ أعيـانـي
على موعد لقانا بك.. أخذني لـك ولـه واشمـوع
رسايل حب مـع شـوق.. وليـل فيـك خاوانـي
مشيت.. ولا مشيت..الا سبقنـي خافـق ٍ منـزوع
وقفت ..ولا وقفت ..الا ثـراك .. بجـرح ينعانـي
وطاح القلب.. في قبرك.. يقبـل ذكـرك المرفـوع
وبل الطين .. هل الملح .. تغلغل داخـل أشجانـي
دعيت ..ولا دعاني لك ..سوى إحساسي المفجـوع
وحب ما يمـوت.. الا وربـي.. حـي واحيانـي
نبت جذر الوصال.. وصال.. سنين بغربتي مقطوع
غرق جذع الكلام ومال.. بـوح ٍ منكسـر حانـي
على رغم الغياب اللي خذاني.. خاطـري مسمـوع
نسجت الصبر وشع النور.. بـدد ظلمـة أحزانـي
غدا لك في وريد الذات ..مكـان واضـح مطبـوع
وغدا لك في جدار الروح.. صور بيضاء لها الواني
تهرجني.. وهرجها وتـرد أبشـر أجيلـك طـوع
تسامرني ..تغني لـي قصايـد لـي مـن الحانـي
ماني قايل ذي الفرقـا ..ولكـن بالهـوى متبـوع
أبرجع لك وأسولف لك عن القاصـي مـع الدانـي
تفاصيـل ٍ لهـا قيمـة تجـدد حبـي المـشـروع
ترتب لحظة اللهفـة ..تصـب الشـوق بأغصانـي
رحمك الله.. يا شمـس سناهـا مشـرق ٍ بطلـوع
رحمـك الله ياطهـرٍ طهـور ٍ بــل وجـدانـي
سقاك الله.. ياقبرٍ سكن وسـط الظلـوع خضـوع
وسقاني الله .. يا صبر ٍ / بصبر ٍ ثبـت اركانـي
فمان لله ..يا أعلـى سمـاء فـي خافقـي مرفـوع
فمـان الله يـا أغلـى وطـن حـب ٍ بوجـدانـي